Hlaupamission 2018 hafið

Eitt af mínum markmiðum á árinu er að vera dugleg að hlaupa. Ég ætla að stefna á Reykjarvíkurmaraþonið og ætla bæta tímann minn í Miðnæturhlaupinu svo eitthvað sé nefnt. Með fyrirvara um að hafa heilsu til þess en ég gat ekki tekið þátt í Reykjarvíkurmaraþoninu þá vegna eymsla í hnénu sem mér fannst mjög leiðinlegt en heilsan er að sjálfsögðu í fyrsta sæti.

Ég er mjög fyndin en ég er svo mikil keppnismanneskja að ég hræðist það að hlaupa 10 km!!! haha
Þegar ég hljóp í Miðnæturhlaupinu sem er 5 km hlaup á seinasta ári var ég svo peppuð og æst að ná því á góðum tíma að ég fór of fljótt af stað sem kom smá í bakið á mér í miðju hlaupinu. Þrátt fyrir það náði ég markmiðinu sem ég setti mér þá sem var að hlaupa þessa 5 km undir 25 mín en ég náði því á 24:08 sem ég var í skýjunum með enda ekki búin að taka þátt í hlaupi í 17 ár!
Hræðslan er sem sagt að ég nái ekki að hlaupa alla 10 km...

Þess vegna ætla ég að byrja snemma að æfa mig í ár. Ég er búin að sjá nokkur hlaup sem ég er spennt fyrir og er búin að taka stefnuna á fyrsta hlaupið þann 3.febrúar. Það hlaup er Wow Northern Lights Run - set tengil á það HÉR fyrir áhugasama.
Ég sá þennan viðburð á facebook eftir að ein vinkona mín minntist á það en þetta er skemmtiskokk, sem sagt ekki á tíma og því frábær byrjun á hlaupaárinu. Videoið af hlaupinu í fyrra seldi mér þetta alveg (videoið er efst HÉR). Hlaupið fer fram á laugardegi og er í gegnum miðbæ Reykjavíkur og meðal annars hlaupið inn í Hallgrímskirkju. Hlauparar eru skreyttir með neon ljósum og á einhverjum timapunkti er confetti smellt yfir hlaupaleiðina. Sem sagt mikil stemming og ég er mjög peppuð og spennt að fara í þetta hlaup.

Er einmitt komin með neon dótið sem ég og vinkona mín munum skarta. Hversu geggjað!
Aðganginum fylgir led armband, hringur, gleraugu og glaðningur frá Cintamni. Ég bara varð að eignast þessa kóronu líka.
Mun svo að sjálfsögðu finna einhver flott föt við til þess að vera í lit.

Ég hljóp mitt fyrsta hlaup í seinustu viku til þess að byrja að æfa mig. Stefnan var 5 km sem endaði svo í næstum 8 km. Það var -8 á þeim degi þannig að ég lagði leið mína í Músík og Sport að kaupa mér flísíþróttaföt til þess að geta hlaupið meira og prufukeyrði þau um helgina. Þvílíkur munur !

Buxurnar eru með svona vindvörn framan á og flísaðar. Eins og þið sjáið lengst til hægri er svo flís í bolnum.

Núna langar mig gífurlega mikið í Garmin heilsuúr til þess að fylgjast með púlsinum mínum. Flestum svona úrum fylgir púlsmælir sem settur er við brjóstkassann sem ég þoli ekki því það dettur alltaf niður um mig á miðri leið. Dýrari úrin frá Garmin eru með púlsmæli sem er innbyggður í úrið sjálft - þannig að ég það er markmið að safna mér fyrir þannig snilld!

Hlakka til að leyfa ykkur að fylgjast með.
Ale Sif hlaupagarpur

Flutningar

Ég er alls ekki hætt hér á blogginu! ❤

Ég var komin í svo góða siglingu með bloggið og í góðum gír en seinustu tvær vikurnar hafa farið í það að pakka og flytja og því fékk flest samfélagsmiðlatengt að fara á hold á meðan.

Ég viðurkenni að ég fékk bara hálfgert spennufall núna seinasta föstudag því að allt þetta ferli tók svo ótrúlega stuttan tíma. Ég setti íbúðina mína á sölu í byrjun desember eftir mikla umhugsun af því að mig og Arnari langar að eignast heimili saman. Það var mjög skrítið að setja hana á sölu og ég viðurkenni að ég táraðist smá þegar hún var komin á fasteignasíður landsins haha en það var mjög stór sigur á sínum tíma að kaupa hana ein og mér þykir ótrúlega vænt um hana.

Ég er búin að liggja á fasteignasíðunum frá því í nóvember og hef ekki rekist á eign sem okkur langar að eignast. Mín seldist stuttu eftir að hún fór á sölu með því skilyrði að hún myndi losna um miðjan janúar vegna sérstakra ástæðna hjá kaupanda. Við vorum undirbúin fyrir það en vorum búin að fá leyfi til þess að vera hjá foreldrum Arnars ef við myndum selja og ekki vera búin að finna annað.

Við byrjuðum að setja í kassa í byrjun ársins og fórum svo í flutningana seinustu helgi. Svona eftir á að hyggja þá erum við sammála því sem fólk segir við okkur en það spyrja flestir hvort við séum klikkuð að hafa flutt allt tvo ein þrátt fyrir að vinir okkar hafi boðist til að aðstoða okkur.
Við fluttum allt úr íbúðinni á tveimur dögum en við bjuggum á þriðju hæð með engri lyftu. Við þurftum í þokkabót að flytja dót á tvo staði, til foreldra Arnars og vinkonu minnar og það var snjóhríð annan daginn. Það var meira ævintýrið en ég sagði einmitt að ef við lifðum það af þá höfum við látið reyna ansi vel á sambandið.

Við erum svo innilega þakklát fyrir að fá að vera hjá foreldrum Arnars í gamla herberginu hans og fyrir að fá að geyma búslóðina hjá vinkonu minni. Það er alveg ómetanlegt í svona stöðu! <3

Ég ætlaði alls ekki að hafa þetta svona persónulegt hérna fyrir ofan eeen það þurfti að fá smá "intro" inn í eitt blogg og ég mun kannski ekki vera eins virk að deila uppskriftum og öðru á meðan við erum í foreldrahúsum.
Við erum sem sagt komin í gamla herbergið hans Arnars tímabundið meðan við finnum okkar eigin heimili.
Við hefðum getað komið rúminu fyrir og fötum og látið það duga en ég er svo ótrúlega ánægð að við tókum þá ákvörðun að gera þetta smá kósý. Það er svo mikilvægt að manni líði vel þar sem maður er. Það er alltaf sagt að heimilið er þar sem hjartað er og mér finnst mikið til í því og það er nóg af ást í þessu litla krúttlega herbergi sem við erum í. 

Ég er svo ánægð með útkomuna að ég ætla deila með ykkur myndum í bloggi á næstu dögum.

Ale Sif

Æfingarskórnir mínir

Ég er reglulega spurð um æfingaskónna mína á Snapchat og ég sé stelpur oft spyrja út í æfingaskó í facebook grúppu sem ég er í þannig að mér fannst sniðugt að taka æfingaskónna mína saman í færslu.
Ég viðurkenni að þegar ég tók alla æfingaskónna sem ég á úr skápnum og raðaði þeim upp til þess að taka myndir þá fannst mér þeir heldur margir EN ég hreyfi mig öllu jafna sex daga vikunnar og er með mjög fjölbreyttan áhuga þegar kemur að hreyfingu og því skórnir þetta margir enda flestir fyrir sér hreyfingu.

Nike free TR6 
Þessir skór eru svona mjög "basic" æfingaskór. Það er hægt að hlaupa stutta vegalengd í þeim og æfa léttar fætur en ég nota þá mest þegar ég æfi efri líkama. Ég myndi segja að þetta væru svona "my go to æfingaskór". 
Ég hef áður átt Nike free skó og ekki verið eins heilluð en ég er mjög ánægð með þessa. Ég keypti mér þessa svörtu og fékk svo þessa hvítu frá Arnari en hann sérhannaði þá á Nike síðunni því mig langaði svo í hvíta æfingaskó og merkti þá með nafninu mínu í bleikum stöfum á tunginni, ég var ekki að tíma að nota þá svo fallegir.
Ég er búin að nota þessa mjög mikið og fara þeir að vera ansi lúnir, sé að næsta útgáfa er komin TR7 sem ég væri til í að eignast.

Nike Metcon 3
Arnar átti þessa týpu af Nike skóm og var mjög ánægður með þá þannig mig langaði líka að eignast slíka en ég átti svipaða týpu frá Reebok og var ekki eins ánægð með hana.
Metcorn skórnir eru með flötum botn og veita góðan stöðugleika og henta í flestar æfingar. Þeir eru mjög vinsælir hjá þeim sem stunda Crossfit. Mér finnst mínir mjög þægilegir og nota þá helst þegar ég lyfti fætur eða rass útaf flata botninum og stöðugleikanum. 
Sé að það er að koma inn fjórða útgáfan frá Nike, set tengil HÉR. Þessir hvítu, svörtu og peach eru geggjaðir. Vona að þeir komi í Wodbúð.

Adidas Energy boost
Á seinasta ári fékk ég þá flugu í hausinn að mig langaði að byrja að hlaupa aftur en ég var mjög dugleg að gera það þegar ég var yngri með góðum árangri. Það er mjög mikilvægt að vera í réttum skóbúnaði í hlaupum. Ég fékk ráðleggingar frá tengdapabba mínum sem er hlaupari og valdi mér þessa týpu.
Þeir eru reyndar gerðir fyrir lengri hlaup en ég hef verið að hlaupa en ég elska þá því að þeir veita góðan stuðning og ég er með slitið liðband í ökkla eftir trampolín slys þegar ég var yngri. Þeir eru með góðum dempara og veita mjög góðan stuðning. Ég myndi kaupa mér þessa týpu aftur.

Nike Romaleos 3
Þessir skór eru eingöngu fyrir lyftingar og mjög vinsælir fyrir þá sem stunda Crossfit og kraftlyftingar. Mig langar mjög mikið til þess að vera góð að hnébeygja og mögulega læra fleiri Crossfit æfingar og hef sett það sem markmið árið 2018.
Arnar er mjög hrifin af slíkum æfingum og langaði mig til þess að taka slíkar æfingar saman. Ég var í skýjunum þegar ég fékk þá í skóinn enda næstum búin að kaupa mér þá daginn áður. Ég finn töluverðan mun að hnébeygja í þeim, mikill stöðugleiki, stuðningur og alls ekki þungir á fæti.

Spinning skórnir
Upprunalega keypti ég þessa skó fyrir hjólið mitt enda í stíl við litinn á því. Ég prufaði svo að mæta í spinning á seinasta ári eftir að hafa ekki mætt í slíkann tíma í 10 ár. Ég varð að sjálfsögðu húkt því ég elska að hjóla!
Mitt persónulega mat er að svona skór séu nauðsynlegir fyrir þá sem mæta reglulega í spinning upp á að fá meira út úr æfingunni. Þú ert náttúrlega mun fastari við petalann svona og nærð því að hjóla töluvert hraðar og betur.
Eina með þessa bleiku er að ég get ekki klætt mig í hvaða föt sem er við en ég vil líka eiga sér fyrir hjólið mitt og aðra fyrir spinning. Markmið á þessu ári að eignast svarta eða hvíta og spara þessa bleiku fyrir racerinn.

Vonandi kemur þetta ykkur til góðs sem eruð í ræktarskópælingum.

Ale Sif

Markmiðin mín fyrir 2018

Jæja þá er komið að því.. 

Markmiðabloggið sem ég er búin að ætla skrifa frá því um jólin. Ástæðan fyrir því að ég hef ekki komist fyrr í það er vegna þess að í janúar er álagstími í vinnunni enda flestir að setja sér markmið með líkamlegt form á nýju ári og ég þjálfari. Ég stend einnig í flutningum þennan janúarmánuð og hefur hugurinn minn því verið svolítið þar en ég fúnkera ekki vel í svona rótleysi.. finnst ég vera með hálfan fótinn inn og hálfan fótinn út á heimilinu mínu. Rútínan raskast einnig í svona ástandi sem er smá erfitt svona í byrjun ársins þegar manni langar að byrja það vel en sem betur fer er þetta bara tímabundið ástand og er ég spennt fyrir komandi tímum.

Ég vil ekki taka ákvarðanir í flýti og er því búin að gefa mér góðan tíma í að hugleiða mín markmið þar sem ég vil vanda þau. Markmiðin fyrir árið skrifa ég alltaf aftast í dagbókina mína en ég átti ansi erfitt með að velja mér dagbók þetta árið. 
Ég var búin að kaupa mér dagbók í nóvember (skipulagið sjáið til) en fékk svo tvær aðrar óvænt að gjöf í lok árs sem gerði valið erfiðara. Ég endaði á því að fá Arnar sem álitsgjafa og varð sama dagbókin og ég hef notað seinustu tíu árin fyrir valinu með dass af bleiku bókinni sem vinkona mín gaf mér (límmiðarnir sem voru svo krúttlegir). 

*Bókin er keypt í Pennanum

*Ég fékk Arnar til þess að skrifa fremst í dagbókina til að merkja hana mér

Ég ákvað að rýna í gömul blogg og sé að ég hef aldrei deilt öllum makrmiðunum fyrir árið með mínum fylgjendum enda sum þeirra smá persónuleg en ég ætla deila með ykkur efstu 10 markmiðum mínum árið 2018 og sömuleiðis að gefa ykkur innsýn inn í það hvernig ég set mér makrmið.

Mér finnst þó vert að taka það fram að mér finnst nýtt ár ekki endilega vera ný byrjun, lífið heldur alltaf áfram. Mér finnst þó gaman að líta á hvert ár sem einskonar verkefni eða ákveðið tímabil til þess að geta gert betur og það ætla ég svo sannarlega að gera með jákvæðina að vopni.

Mikilvægt að setja sér raunhæf og geranleg markmið 

Mér finnst markmiðasetning vera mjög hvetjandi og hef tamið mér það að setja mér markmið seinustu tíu árin. Ég set mér markmið með lífið almennt því það hvetur mig til þess að gera betur, það er alltaf rými fyrir bætingar.
Það er mjög mikilvægt að markmiðin séu raunhæf, þannig að þú getur náð þeim og gefist ekki upp á miðri leið. Það er fátt betra en tilfinningin að ná markmiðum.

Með því að skrá markmiðin niður á blað finnst mér ég setja þau út í alheiminn og gera það að verkum að þau verði frekar að veruleika.

Markmið fyrir árið - langtímamarkmið

Ég var rétt í þessu að byrjað að skrá niður markmiðin mín fyrir árið 2018 og lesa yfir þau sem ég setti mér fyrir árið 2017. Það var svo gaman að sjá hvaða markmiðum ég hefði náð en svo eru mörg þeirra markmiða sem ég setti mér núna markmið sem ég set mér á hverju ári sem áminningu til að halda áfram að gera betur.
Langtímamarkmið eru markmið sem hægt er að ná á lengri tíma eins og nafnið gefur til greina, til dæmis ári eins og í þessu tilviki. Svo er hægt að búta það markmið niður, setja niður minni markmið (skammtímamarkmið) til þess að hvetja sig áfram að langtímamarkmiðinu.
Markmiðin sem ég er að setja fyrir árið eru bæði stór og lítil, oft er eitthvað tromp. Í fyrra ætlaði ég t.d. að kaupa mér hjól og hlaupa í hlaupi á árinu sem ég gerði. Ég set mér einnig markmið til þess að ég bæti mig sem manneskju, tengt hugarfari eins og t.d. að vera meira jákvæð, markmið með líkamlegt form og svo framvegis.

Markmið hvern mánuð fyrir sig - skammtímamarkmið

Markmiðin sem ég set fyrir hvern mánuð eru ekki eins stór og oft bara áminning eða hvatning fyrir mig til þess að koma vissum hlutum í framkvæmd. Oftar en ekki set ég mér t.d. markmkið með að spara, vera jákvæð, dugleg að æfa og borða hollt, kannski panta tíma hjá lækni eða bæta mig í einhverju sem ég var ekki nógu dugleg við að gera í mánuðinum á undan.

Mín topp 10 markmið 2018

1. Finna nýtt heimili með Arnari

2. Hlaupa 10 km í Reykjavíkur maraþoninu til styrktar Alzheimer samtakanna - fyrir afa minn heitinn <3

-Þetta markmið set ég með fyrirvara um að ég hafi heilsu

3. Ferðast meira innanlands og erlendis

-Langar að fara til Rómar og sömuleiðis fara í almennilegt frí í tilefni þess að ég á stórafmæli þetta árið.

4. Halda áfram að vinna í mér, elska sjálfa mig

-Þetta markmið set ég ár hvert því mér finnst mjög mikilvægt að rækta sjálfan sig. Ég get verið mjög hörð við sjálfa mig en er að laga það og ég er búin að vinna mikið í sjálfstraustinu seinustu árin en það má alltaf gera betur.

5. Fara 1 x í viku að hjóla, hlaupa eða göngutúr.

6. Vera dugleg að njóta, vera smá kærulaus (mjög krefjandi fyrir rútínumanneskjuna). Er búin að bæta mig mikið í þessu eftir að ég kynntist Arnari.

7. Vera jákvæð - þetta set ég mér alltaf ár hvert. Það er svo mikilvægt að temja sér jákvætt hugarfar það gerir lífið svo mikið betra.

8. Dugleg að æfa og borða hollt og vel - hnébeygja einu sinni í viku og verða betri í því.

9. Hætta að mikla fyrir mér hlutina og stressa mig á óþarfa 

10. Dugleg að spara

*Set þau ekki niður eftir mikilvægi, bara random

Þetta er orðið ansi langt en er vonandi hvatning fyrir aðra til þess að setja sér markmið fyrir 2018.
Það eru allavega nokkrar búnar að senda mér snöp (alesifnikka) með eins dagbók og að þær séu að setja sér markmið sem mér finnst ótrúlega gaman að fá.

Ale Sif

Topp 10 snyrtivörurnar mínar árið 2017

Ég ELSKA svona lista og varð því að smella í einn sjálf!

Ég held ég hafi sjaldan prufað jafn margar nýjar snyrtivörur á árinu en það eru þessar sem að standa upp úr. Ég tek það fram að vörurnar hef ég bæði keypt mér sjálf eða fengið að gjöf.

Listinn er ekki alveg í röð en vonandi hafið þið gaman af.

1. Becca First Light Primer filter

Þessi primer er bara ein mesta snilld sem ég veit. Mér fannst lýsingin á honum segja allt sem segja þarf, eins og Instagram filter í flösku. Gefur jafna og ljómandi áferð á húðina.

2. Strobe cream frá MAC

Enn skil ég ekki af hverju ég eignaðist ekki þetta krem fyrr en þetta er mildur og fallegur highlight sem borin er undir farðan þannig að hann er ekki of mikið. Ég nota litinn Peachlite.

3. Bedroom Hair frá Kevin Murphy

Mitt uppáhálds texture spray, gefur fallega og létta fyllingu og heldur krullunum virkilega vel. Svo skemmir ekki hvað að er góð lykt af því.

4. Orange frá Boss

Þetta ilmvatn had me at hello !

Ég er mjög viðkvæm þegar það kemur að ilmum og get fengið mígreni af þeim. Í langan tíma notaði ég einungis bodysprey en ég er að fíla ilmina frá Boss. Á einnig The Scent en þessi er algjört uppáhalds.

5. Pretty easy eyeliner frá Clinique

Lengi vel fékk ég vinkonur mínar sem eru fluffur til að versla uppáhalds eyelinerinn minn í Sephora frá Stila þar sem að hann fékkst bara þar. Síðan kynntist ég þessum snilldar eyeliner, fíngerður og vel svartur og ég get keypt hann sjálf í Hagkaup.

6. Hreinsikombóið mitt - Well off frá Origins og Take the day off frá Clinique

Set þetta tvennt saman svo ég komi fleiru að. Þetta hreinsikombó gerir það að verkum að ég nenni að þrífa málninguna af fyrir svefninn. Ég er ein af þeim sem vil ná farðanum vel af en er einnig með viðkvæma húð og augu. Svo einfalt í notkun og ertir ekki húðina mína.

7. Lights Camera Lashes - Tarte

Þessi maskari... !

Hann er bara á einhverju öðru leveli. Var ekki að fíla hann fyrst almennilega en í dag er hann besti vinur minn og fæst hann því miður einungis erlendis í búðum eins og Sephora. En hann lengir, þykkir og er bara fullkominn hehe.. en minni á að það mismunandi hvaða maskari hentar hverjum.

8. Too Faced Sweetheart bronzer

Fallegasti bronzer sem ég veit, gefur einstaklega náttúrlega og fallega sólaráferð á húðina.

9. Laura Mercier Translucent setting powder

Ég nota þetta púður ekki til að baka heldur set létta áferð yfir hyljarann undir augun, nef, mitt enni og höku og það lýsir upp þau svæði og tónar vel með skyggingunni. Eitthvað sem maður þarf að prufa til þess að átta sig á snildinni.

10. Af hverju valdi ég að hafa tíu.. ég er bara rétt að byrja haha..

Annars ætla ég að setja hér St. Tropez Express brúnkufroðuna.
Ég nota brúnkukrem í staðinn fyrir að sóla mig mikið og fara í ljós. Þá ákvörðun tók ég fyrir þremur árum síðan og er heldur betur ánægð með það að vera ekki að bjóða hættunni heim en ég nota líka mjög háa sólavörn í sól.
Ég set froðuna á mig sirka tvisvar sinnum í viku og hún gefur fallegt og frísklegan blæ þar sem ég verð mjög bleikhvít á veturna🙈

Hlakka til að deila áfram með ykkur uppáhalds vörunum mínum á nýju ári.

Ale Sif

Uppgjör 2017 og nýtt ár

Eins og ég minntist á í pósti sem ég setti inn á Instagram á seinasta degi ársins þá er fyrsta orðið sem kemur í huga mér þegar ég setti saman myndir frá árinu 2017, þakklæti !
Ég átti alveg erfitt með að velja myndir þar sem ég er mjög dugleg á myndavélinni því mér finnst svo gaman að eiga minningar í myndum.
Ég er svo innilega þakklát fyrir fólkið í kringum mig og minningarnar sem ég hef búið til með því.

Ég hef sjaldan verið jafn dugleg að njóta og upplifa og árið 2017 og er spennt að halda því áfram árið 2018.

Það er ansi margt sem stendur upp úr og náttúrlega flest gert með mínum en við fórum til London, áttum eins árs afmæli, keyptum okkur bíl saman, fórum í óteljandi göngutúra í Elliðarárdalnum, hjóluðum um borgina, fórum á Þjóðhátíð í góðra vina hópi, pössuðum litla frænda og nafna í viku svo eitthvað sé nefnt.
Ég keypti mér racer, hljóp í Miðnæturhlaupinu (5 km) undir 25 mín, gerðist spinninglover á ný, fór til Norengs með Auði vinkonu, ræktaði líkama og sál, byrjaði að blogga hér aftur, náði markmiðum. FitSuccess vann vefkerfi ársins og við fengum Heklu til liðs við okkur.

Það stærsta sem gerðist á árinu var að ég seldi Dverginn (krúttlegu íbúðina mína) svo að eitt stærsta markmið ársins 2018 er að finna nýtt heimili og byrja þannig nýjan kafla í mínu lífi.

Ég ætla að setjast niður næstu daga og setja mér markmið fyrir árið 2018 og janúar og leyfa ykkur að fylgjast með.
Það er fullt af spennandi efni framundan til þess að peppa nýtt ár !
Er ekkert smá spennt að tækla 2018 með ykkur og takk innilega fyrir samfylgdina þennan stutta tíma sem ég byrjaði að blogga aftur 💖

Leyfi myndum frá árinu 2017 að fylgja.

Ale Sif

Áramótapeppið heldur áfram

Ég er alveg jafn fimm ára á áramótunum eins og á afmælum og jólum.
Ef ég myndi sjá um að halda áramótaveislu þá væri ekkert sparað en það verður vonandi gert á næstu árum.

Ég hef þó skapað nokkrar hefði í gegnum tíðina. Eins og sást í seinustu færslu þá verður ekkert sparað þegar kemur að glitri og glimmeri.
Ég einmitt fór að velja mér freyðivín um daginn til þess að skála í á miðnætti en ég er ekki vön að fá mér í glas þetta kvöld en mér finnst gaman að skála fyrir nýju ári. Ég fann freyðivín með GLIMMERI í.. að sjálfsögðu varð það fyrir valinu.

Önnur hefð sem ég hef komið á er að kaupa sömu kökuna til að skjóta á miðnætti. Vinkona mín mætti eitt sinn með köku sem hét Hamingja og sagði mér að ég þyrfti að skjóta henni upp á miðnætti til þess að eiga hamingjuríkt ár. Mér fannst það svo krúttlegt og það má nú alveg segja að það hafi verið ansi hamingjuríkt ár þar sem að ég kynntist Arnari það sama ár.

Við héldum í hefðina og keyptum sömu kökuna ásamt annari sem hét Gleði og skutum upp á miðnætti og ætlum að endurtaka leikinn þetta árið. Finnst þetta svo skemmtileg hefð því ég er smá nörd.

Fann þessar hjá flugeldasölunni Stjörnuljós en þær eru eflaust fáanlegar á fleiri stöðum ef þið viljið koma á skemmtilegri hefð.

Svo má ekki gleyma máli málanna, eftirrétturinn!
Ég er ekki gúrmari fyrir ekki neitt. Ég er mikið búin að velta því fyrir mér hvernig ég ætla framkvæma hann þetta árið en marengsbomba er eitthvað sem klikkar ekki en það er ansi langt síðan ég gerði slíka snilld seinast.
Ég fann eina góða uppskrift sem ég deili með lesendum bleikt.is hér áður. Ætla að gera svipað og hana þetta árið, set með tengil HÉR.

Annars vona ég að áramótin ykkar verði yndisleg.
Hlakka til að vera með ykkur hér árið 2018!🎉

Ale Sif