Þakkarræða kattarins

Halló heimur og lesendur kærir <3

Það kom eflaust flestum á óvart sem fylgjast með bæði hér og á likesíðunni minni að ég keppti á Bikarmótinu í fitness síðustu helgi og það í módelfitnessflokki eftir þriggja ára fjarveru þaðan og viðveru í fitnessflokki þess á milli.

Lokaákvörðun á þáttöku var ekki tekin fyrr en tveimur vikum fyrir mótið þegar skráningu lauk og þar sem ég er svo grjóthörð við sjálfa mig fannst mér nóg að láta þá pressu duga.
Enda keppnismanneskja af guðs náð og ýmsar bætingar sem þurfti til þess að ég myndi koma með semí fitness COMEBACK í þennan OFURBOMBU flokk.
Það var því mikil gleði yfir því að lenda á palli og taka 3 sætið í mínum flokki.

Sáttur kisi með bikarinn sinn :)

Lífið er svo óútreiknanlegt og var þetta í raun aldrei planið og ég tek það algjörlega fram að ég grennti mig EKKI sérstaklega til þess að fara niður um flokk, heldur voru það veikindi sem urðu til þess, sem ég er enn í rannsóknum útaf.
Þau hafa sannarlega tekið sinn toll á sálarlífið og líkamann!
En í stað þess að svekkja mig á því og leyfa þeim að stjórna lífi mínu ákvað ég að nýta þau mér í hag.
Í dag er ég mun sáttari með sjálfa mig með minni vöðvamassa og ég bý jafnframt að allri þeirri þekkingu sem fór í að byggja mig upp, kötta niður og halda mér í formi og svo framvegis.

Ég tók talsvert styttri undirbúning en ég er vön, enda ekki þörf á lengri tíma þar sem ég hef það ávallt sem markmið að vera með góða rútínu á mataræði og æfingum.

Ég hef aldrei upplifað jafn skemmtilegan og lærdómsríkan undirbúning fyrir mót og núna og fyrir mér er það lærdómurinn hverju sinni sem er stærsti sigurinn af öllu :)
Það er líka þekking sem ég mun svo sannarlega búa að til frambúðar.

Og því að máli málanna..
Fólkið sem gerði þetta að veruleika <3
Smá væmni í tilefni dagsins fyrir fólkið sem stendur mér næst.

 Á bakvið við flesta keppendur eru makar sem styðja makana sína í gegnum súrt og sætt...ég á einmitt einn slíkan maka sem er mín hægri hönd og bestasta vinkona, litlaSTÓRA systir mín hún Ísabel.

Það að hafa þennan krúttkisa mér við hlið gerði þennan undirbúning virkilega skemmtilegan og persónulegan.
Henni á ég svo ótrúlega margt að þakka, því ef það væri ekki fyrir hana hefði ég ekki stigið á svið núna um helgina.
Þessi naggur var minn persónulegi pósuþjálfari hvern einasta sunnudag í undirbúningnum og er því ástæðan fyrri því að ég hef aldrei mætt með jafn góða sviðsframkomu og pósur. Peppaði mig áfram þegar ég ætlaði að hætta við, brúnkaði mig, hvatti mig áfram og kenndi mér að elska sjálfa mig meira..
TAKK elsku Ísuflakið mitt fyrir að hafa trú á mér, allt sem þú gerðir fyrir mig.
Fyrir mér er heiður að geta verið þín fyrirmynd og stóra systir..
Elska þig til tunglsins og til baka <3

Ég sæti náttúrlega aldrei hér að skrifa þessi orð ef MISS BESS væri ekki í lífi mínu.
Minn mentor og coach í gegnum allt þetta ferli sem hófst fyrir 4 árum þegar Spaghetti Ale ákvað að gerast fitnesskeppandi...
Get með sanni sagt að með bestu ákvörðum lífs míns var að velja þig sem minn þjálfara, græddi líka eitt stk bestu vinkonu <3
Mér finnst þú vera svo mögnuð og er þér svo ómetanlega þakklát fyrir allt sem þú hefur gert fyrir mig.. þú og Maggi og litlu naggarnir eigið stóran hlut í hjarta mínu.

Rósan mín á svo mikið hrós skilið fyrir að hafa alltaf stutt mig og peppað mig áfram í gegnum allar mínar fitnessnaggapælingar þrátt fyrir að hún hafi minnstan áhuga á því sjálf, það er sko sönn vinkona.
Svo fær hún að setja sinn svip á allt saman sem minn persónulegi stílisti hvað bikini, skartgripi og makeup varðar og ekki nóg með það þá er hún einnig minn persónulegi snyrtifræðingur og sér því um að ég mæti vel snyrt upp á svið.

Auður mín sér svo alltaf um hárið mitt.. ég er svo heppin að eiga svona flinkar vinkonur.
Svo ótrúlega ánægð með litinn og hárgreiðsluna.. classy kampavínsljóst og fallegir liðir.
Þú ert snillingur elsku dúlla.

Viktoría systir fyrir að vera minn persónulegi Schumacher á keppnisdegi og hvetja mig áfram, svo skemmtilegur dagur og að hafa ykkur litlu systur með mér í þessu.

Mammsí fyrir að vera alltaf til staðar, hvetja mig áfram og fyrir tríta litla múmínsnáðann þegar hann kreivaði mömmumat á laugardögum.

Miss Sunny Tampa Olina krúttkisi fyrir að vera alltaf til staðar og standa sig nokkrum númerum of vel í pepp team Ale, þrátt fyrir að vera ekki einu sinni stödd á landinu.
Algjör demtantur !

Og bara fjölskyldan mín&mínir nánustu vinir og vinkonur fyrir að standa með mér í gegnum súrt og sætt og allar mínar fitnesspælingar, hvetja mig áfram og koma horfa á mig keppa.
 Það er svo sannarlega ekki gefið :*

Freydís SAUMAGÚRÚ fyrir þessa dásemd sem ég fékk heiðurinn af að vera í upp á sviði.
Þetta bikini er eitt það fallegasta sem ég veit !

Perform.is fyrir að hafa stutt mig frá því ég labbaði inn í lyftingarsal á sínum tíma og hóf minn keppnisferil.. það þykir mér svo innilega vænt um.

OG síðast en ekki síðst ÞIÐ sem eruð að fylgjast með mér gerir þetta svo miklu meira þess virði og hvetjið mig áfram án þess að vita af því.
Allir fallegu póstarnir sem ég hef fengið frá því um helgina og kommentin sem hitta beint í hjartastað... alveg ólýsanleg tilfinning.

TAKK FYRIR MIG
YKKAR EINLÆG OG FULLT AF ÁST

ALE <3