Uppgjör eftir helgina

Ég er svo mikið endurnærð eftir daginn í dag ! vúhú :D

Ég hef alveg vanmetið það seinasta árið að svefnin er svo gífurlega mikilvægur, þangað til um daginn þegar ég ákvað hingað og ekki lengra.. núna hlusta ég á líkamann og næ meiri svefni og hvíld og er svo sannarlega farin að græða á því núna :)
Næsta skref er mögulega að slaka aðeins á að vera ofurskipulögð.. haha

Sunnudagar eru yfirleitt sá dagar sem flestir liggja í leti ,en þar sem ég kann ekki þannig þá er ég alltaf á milljón í einhverju dúlleríi.
Ég og Ísuflakið mitt byrjuðum daginn á gúrmei brennslu og síðan þá er ég búin að baka hafraklatta fyrir vikuna, elda nokkrar bringur til að eiga inn í ísskáp ásamt grjónum, vinna og læra.
Játs læra í einu stk fjarnámsáfanga.. bara svona af því ég er víst að verða gömul og það gæti verið gaman að læra eitthvað meira og bæta við þá þekkingu sem maður hefur nú þegar í þessu lífi.

Annars ef þið voruð ekki búin að sjá á likesíðunni minni..
Þá lofaði ég náttúrlega nýrri uppskrift af hafraklöttum í seinasta bloggi og að sjálfsögðu stóð ég við þau orð og græjaði OFUR Rúsínukókoshafraklatta sem sjá má HÉR.
Klattarnir verða svona aðeins meira crunchie þegar maður bætir kókosnum við og svo eru súkkulaðirúsínur í miklu uppáhaldi, þannig þær urðu fyrir valinu.. kombó sem getur ekki klikkað.
Ef uppskriftin klárast ekki, þá mæli ég með því að skella restinni í frysti, þá er hægt að hita hana í svona 30 sek í örbylgju til að fá sér.. mér finnst það jafnvel betra.

Ég gerði mér einnig lítið fyrir og skellti einnig í 3 uppskriftir af döðlugotti til að eiga fyrir smá afmælishitting næstkomandi helgi fyrir mínar allra nánustu.. getekkibeðið!

OG fyrir keppniskisann hana Ástu mína sem ég lofaði slíkri dýrð.
Þetta endaði í tveimur fullum Bónuspokum og ég get svo svarið það.. þvílík átök að skera þetta allt niður í bita, enn erfiðara af því ég vil hafa súkkulaðið ofan á þykkt.
Er ekki frá því að ég er með sár í lófunum eftir þetta mission.. tekur á að vera myndarleg húsmóðir, sem þýðir bara að ég verð komin með alvöru reynslu í reynslubankan þegar það kemur að því að takast á við það hlutverk af alvöru (börn, hús, kannski mann og þann pakka).

Eins og ég sagði líka frá í seinasta bloggi þá voru stelpurnar að keppa út á Spáni á Arnold Classic Europe.
Það voru tvær íslenskar stelpur sem lentu á sigurpalli !
Hún Una Margrét tók 1. sætið í Junior Body Fitness og Karen Lind tók 3.sætið í sínum hæðarflokki í Bikini.
INNILEGA TIL HAMINGJU MEÐ ÁRANGURINN ALLAR SAMAN <3
Restin stóð sig gífurlega vel og var ekkert smá gaman að skoða myndir.. fékk alveg svona fiðring í magan þegar ég fletti yfir albúmið hjá Iceland Fitness á Facebook.

Það hefur aldrei liðið svona langt á milli móta hjá mér áður, mest rúmlega hálft ár en er núna að detta í ár.
Þannig sú tilfinning að keppa virðist eitthvað svo fjarlægð og smá skrítin.. svona eins og ég sé ekki lengur fitness keppnismanneskja og það verði erfitt eða skrítið að gera þetta á nýjan leik.
En ég er glöð með að ég er langt því frá hætt að hreyfa mig, borða alltaf hollt og vel, held mér þannig í þokkalegu góðu formi og æfi eins.
Það mikilvægasta er að ég hef alltaf jafn gaman af :)
Það sem ég þyrfti að breyta væri enn hreinna mataræði og æfa pósur.. svo ég ætti nú ekki að vera hugsa svona.

EN ég er strax komin með gúrmei hugmynd af skemmtilegu bloggi í vikunni.
Svo að endilega fylgjist með..
Þangað til næst !

LOVE ALE <3