Helgin og vikan sem er að líða

Mmmm hvað ég get ekki beðið eftir helginni!

Það er eitthver bugun í mönnum eftir krefjandi, lærdómsríkan en jafnframt skemmtilegan janúarmánuð og er ég tilbúin að takast á við meira :)

Tíminn gjörsamlega flýgur frá manni, þetta er alveg magnað!
Á skilið prinsessutrít á laugardaginn.. Auður ætlar að fikta í hárinu mínu og um kvöldið á ég deit með nokkrum funheitum skvísum í Indverskan og ís víjjjj..
Naanbrauðskreivingið er alveg í hámarki.

Það er að koma febrúar sem þýðir að það eru einungis rúmlega tvær vikur í smá Boston trít fyrir mig.
Ég er einmitt búin að vara pabba og kærustuna hans við shopping og burrito-missionum mínum, en þau munu fara til Florida vikunni áður og svo sameinumst við í Boston...
Það er því er bara eintóm gleði framundan :D
Ég er alltaf skoðandi á netinu og er lengi búin að þrá nýjan ipod, þar sem að konan í mínum vill ekki hætta að tala og segja mér hvaða lag ég er að spila!
Það er svo ekki að gera sig þegar maður er kannski í geðveikum fíling á stígvélinni eða í miðju setti haha
Þá fannst mér eiginlega must að eiga góð heyrnatól í stíl svo ég geti blastað lögum eins og Smack my bitch up og Firestarter með Prodigy..
Veit ekki alveg hvað það er!?
En það sem ég kemst í gírinn við að spila þetta í gymminu :)

This combo will soon be mine <3

Að öðru... eins og alltaf þá er ótrúlega gaman að sjá hversu vel var tekið í ráðin mín varðandi förðunar og hreinsivörurnar og mun ég í náinni framtíð vera duglegri að setja efni tengt þeim málefnum.. bara gaman að geta bent öðrum á eitthverja snilld !
Takksvomikið fyrir góðar undirtektir elsku lesendur <3

Annars hefur mánuðurinn bara einkennst af vinnu og rækt..
Byrjaði strax á fullu á nýju ári og ég get ekki sagt annað en að ég sé þakklát fyrir það sem ég hef í kringum mig sem stendur, þetta jákvæða hugarfar sem ég kom með inn í árið er klárlega að gera sig.
Til að mynda var svolítið mikið skrítið að sjá sjálfa sig á strætóskýlum bæjarins, en ég varð nú að fá mynd af mér við hliðina á auglýsingunni.

When Ale met auglýsinga Ale

Þennan dag áttum ég og síamstvíburinn minn deit við eina litla prinsessu sem er í miklu uppáhaldi hjá okkur..
Ég fékk því að eyða deginum með tveimur uppáhalds Bellunum mínum..
Bellu Bess og Bellu Nikulásdóttur hehe :)

Það er fínt að geta fengið svona gull lánað og gert gaman með henni, gladdi okkar litla hjarta enda ekki búnar að sjá hana svo lengi.

Ein sáttust með bleikasta og girnilegasta snúllan

Ég deildi svo uppáhalds hlutunum mínum með Séð og Heyrt sem kom út í morgun, leyfi opnunni að fljóta hér með, virkilega sátt með uppsetninguna í stíl við litina á skyrtunni :)
Það er þarna smá lýsing á hverjum hlut fyrir sig sem þú getur lesið ef þú smellir á myndina, þá opnast hún stærri.

Um að gera að hafa nóg af myndum í blogginu þar sem ég er eitthvað svo róleg í dag, en fannst ég samt þurfa að setja smá inn til að halda lífinu í blogginu og leyfa ykkur að fylgjast með, þó það sé nú ekki merkilegra en þetta :)

Allavega þangað til næst elskurnar!

LUV ALE:*

Hreinsivörurnar mínar og meira

Þar sem ég skrifaði seinast um snyrtivörurnar mínar og gaf make up tips, þá finnst mér svo vel við hæfi að taka saman hreinsivörurnar mínar líka til gamans :)
Húðin er eitt það mikilvægasta sem ég veit og það að hugsa um hana, hún er eitthvað sem fylgir manni alla ævi og því betra að huga að henni á unga aldri fyrir framtíðina.

Eitt það leiðinlegasta sem ég veit er reyndar að þrífa förðunina af eins mikið og mér finnst gaman að setja hana á þá dreg ég þetta oftast á langinn fyrir svefnin haha
En það er líka ekki hollt að sofa með málningu, mér líður bara illa í þau fáu skipti sem það gerist, svo er það líka bara ekkert voðalega hreinlegt, né gott fyrir húðina.

Mér finnst best að þrífa hana af með hreinsivörum sem henta minni húðtýpu og hef því prufað mig áfram og fundið það sem hentar mér.
Ég get ekki notað bara eitthvað eða bara vatninð í krananum, vil ná þessu öllu af og ekki vera með leifar af gamalli förðun í andlitinu.
Ég nýt þess að eiga förðunarlausa daga og næra húðina :)

Ég hugsa ekki einungis um húðina í andlitinu heldur allan skrokkinn líka, og finnst fátt skemmtilegra en að finna ný krem með góðri lykt..
Það er því himnaríki að fara í Victorias secret og Bath and Body Works í USA og bæta í safnið.. minna en mánuður!! víjjj

Ég er með frekar viðkvæma og blandaða húð og versla því vörur fyrir sensitive skin.
Á veturnar verður hún svo enn viðkvæmari og passa ég mig þá að hugsa extra vel um hana.

Hér má sjá það sem ég nota fyrir húðina.
Ekki allt dags daglega, langaði til að sýna brúnkukremin og fleira.

LÍKAMINN
Ef ég byrja á kroppnum sjálfum þá set ég dags daglega á mig body lotion eftir sturu, oft kaupi ég með ilm og eitthverju gúrm en sem stendur er ég með body lotion frá Eucerin sem er fyrir sensitive skin og hefur reynst mér mjög vel.
Sirka þrjá daga í viku nota ég svo bambusbursta sem ég keypti í Body Shop til þess að þurrbursta húðina.
Þurrburstun er góð að því leitinu til að hún örvar blóðrásina og húðina ásamt sogaæðakerfinu svo er hún talin draga úr appelsínuhúð og háræðaslitum en þá þarf náttúrlega hreint mataræði og annað að vera til staðar samhliða.

Ég er mjög viðkvæm fyrir sterkum ilmum en fann virkilega góða lykt frá Victorias Secret sem heitir Kissable Fragrance mist, Berry créme.

Svitlyktareyrðirinn sem ég nota er eitt af því sem ég byrgji mig upp af í USA þar sem að hann fæst ekki hérlendis.
Hann er frá Secret og heitir Scent expressions, hann er t.d. til með mangó, vanillu, kókos og fleirum ilmum.

ANDLITIÐ KREM

Ég og systir mín höfum báðar prufað okkur áfram hvað þetta varðar enda með mjög svipaða húð.
Við erum algjörlega búnar að komast að þeirri niðurstöðu að það eru ekki dýrustu kremin sem gera mesta gagnið og kostar kremið sem við notum litlar 900 kr í næsta apóteki, lærðum af henni móðir okkar sem elskar að skoða krem og annað í apótekjum.
Það er frá Eucerin heitir pH 5 cream og er fyrir sensitive skin.
Á augnsvæðið nota ég svo Clinique all about eyes rich, það er sem sagt hægt að fá létta útgáfu og svo þykkari útgáfu og er ég með þessa þykkari, feitari.
Á varinrar læt ég alltaf Vaselin Coconut fyrir svefnin, algjör snilld svona lítil dolla sem ég fékk í CVS í Bandaríkjunum.. næra varnirar líka :)

Einstaka sinnum nota ég svo maska sem Rósa vinkona gaf mér frá Blue Lagoon, silica mud mask til að djúphreinsa húðina inn á milli.

ANDLITIÐ HREINSIVÖRUR

Ég reyndar gleymdi að setja mynd af einu með en það eru hreinsiklútarnir sem ég kaupi frá INGLOT, eru bestu hreinsiklútuar sem ég hef prufað!
Verð ekki þurr og eldrauð í framan af, algjör snilld til að eiga og grípa í.

Ég verð alltaf að ná öllum augnfarðanum af og nota ég því augnfarðahreinsinn frá Eucerin sem er sá besti sem ég hef prufað hingað til.
Hann heitir DermatoCLEAN og þrífur meðal annars vatsnheldan maskara af, hann er tvískiptur og mér svíður ekki né finn til óþgæinda við að nota hann.
Til að þrífa andlitið nota ég hreinsimjólkina frá Dr.Hauschka og einnig tónerinn frá þeim, kynntist þessum vörum hjá Katrínu en þær fást t.d. í Lifandi Markaður.

FAKE TAN

Ég er ekki mikið hrifin af því að fara í ljós en geri það einstaka sinnum til að fá smá lit á kroppinn og stundum er það gott fyrir þreyttan og lúinn líkama að liggja í hitanum.
Ég reyni því að setja á mig brúnnkukrem þegar ég fer eitthvað, hef ekki þolinmæði í það on the daily bases hehe..
Á andlitið nota ég krem frá NIVEA sem heitir Sun touch og er fínt að setja það á kvöldinu áður þegar þú ferð að sofa til að vakna eins og þú hafir smellt þér í sólbað um nóttina.
Á kroppinn nota ég Brazillian Tan og stundum yfir það XEN Tan Scent secure gold, meðan Brazillian gefur svona meiri og þéttari lit er Xen tanið svona til að gefa fallegri áferð og smá shimmer.
Til þess að bera þetta á mig byrja ég á því að setja body lotion, leyfi því að þorna og nota svona sérstakan brúnkukremshanska sem ég kaupi á 1000 kr til að bera brúnkukremin á til þess að fá jafna og fallega áferð.

Vonandi nýtist þetta eitthverjum vel og afsakið innilega bloggleysið í síðustu viku, hef sjaldan verið jafn buguð á kvöldin og er met fyrir mig að hafa farið snemma að sofa nánast öll kvöld og lögn á þessum fallega sunnudegi haha..
Það var samt eftir að ég var búin að taka Bree hreingerningu á herbergið mitt.. kann ekki að slappa af !

Anyways stay tuned, set stefnuna á að vera dulegri þessa vikuna !
Þangað til næst
LUV ALE :*

Makeuptips í boði Ale

Mér þykir alltaf svo gaman og það gleður mig svolítið mikið þegar ég fæ komment á bloggið, hef tekið eftir því að það eru ekki margar sem þora því.
Ég fæ líka pósta á facebook og eru stelpur farnar að spyrja mig hvort ég geti sett inn færslur um hitt og þetta.. mér finnst það bara  virkilega skemmtilegt !
Megið endilega vera óhræddar við þetta, ég lofa að ég er voða ljúf :)

Það sem ég ætlaði að taka fyrir í þessu bloggi er svona daglega makeup rútínan mín.

Ég viðurkenni að þrátt fyrir að ég sé förðunarfræðingur er ég virkilega löt við að mála mig, af því að ég sit oft í tölvunni 12 tíma á dag og hitti í mesta lagi Katrínu og svo er eitt leiðinlegasta sem ég geri að þrífa þetta af mér.
En ég er öll að koma til af því ég mæti á æfingar eftir vinnu og þetta var eitt af mínum markmiðum fyrir nýtt ár..
Að vera duglegri að taka mig til, hef staðið mig þokkalega vel! :)

Allavegana að máli málanna hehe..
Þá finnst mér virkilega gaman að kynna mér helling í kringum þetta, skoða á netinu, myndir til að fá inspiration og lesa hvað er vinsælt og talið gott.
Til að mynda er ég að fara til USA eftir mánuð og var því að skoða bestsellers og top rated á Sephora, sem er ein stærsta snyrtivörukeðjan þar og í heiminum.. hafa þetta allt under control þegar ég mæti á svæðið.

Að sama sinni hefur stílinn minn svolítið breyst í gegnum árin og finnst mér fallegast að vera bara svona létt förðuð og sem náttúrulegust, allavega svona dags daglega.
Svo þegar ég fer eitthvert finnst mér mjög skemmtilegt að taka mig fínt til og vera aðeins meira máluð og ýktari.

Þetta er alveg heildarlúkkið og því ekki bara förðunin sem skiptir máli.
Ég er t.d. búin að vera langan tíma að finna hárlitinn sem mér finnst vera fallega ljós en samt svona eðlilegur og ljómandi.
Svo fíla ég ekki að hafa dökkar augabrúnir.. mín elskulega vinkona Rósa fær því bara að sjá um þær.

Hún setti aflitunarlit í þær um daginn til þess að lýsa þær og setur alltaf bara ljósbrúnt í þær einstaka sinnum, sem tónar vel við hárið.
Ég er því komin á þannig stað að vera mjög sátt með þetta tvennt.. tala nú ekki um eftir að ég byrjaði að setja Laxerolíu á augnhárin (skrifaði um það um daginn, getur lesið HÉR), þá eru þau allt önnur og skemmtilegra að maskara sig fyrir vikið.

Sést smá á þessari mynd ef ýtt er á hana

HÉR má svo sjá nokkrar af þeim vörum sem ég nota dags daglega, myndin til hliðar er svo mynd sem ég tók áður en ég fór að kynna nýjustu réttina mína hjá Culiacan og sýnir svona nokkuð létta förðun eins og ég er vön að vera :)

ANDLITIÐ græja ég alltaf fyrst...

*Andlitskremið sem ég nota er frá Eucerin, kostar um 1000 kr í næsta Apóteki, algjör snilld

*Kanebo glow gel nota ég sem farða, það ber ég á með DUO foundation brush frá Make Up Store.
Hann er þannig að hann gefur fallega og létta áferð, ekki of mikla þekju.

*Yfir það set ég örlítið af Bare Minerals Matt foundation sem er steinefnapúður, það set ég á með sama bursta til að fá fallegan ljóma.
Steinefnapúður eru þannig að þau bráðna og aðlagast húðinni, gefa þetta náttúrulega lúkk og setjast ekki svona í húðina eins og þurr púður, þannig hún fær anda almennilega.

*Undir augun set ég Reflex Cover frá Make Up Store og nota ég það sem hyljara.
Það gefur fallegan highlight og skerpir á augnsvæðinu Kim Kardashian style !
*Uppáhalds sólarpúðrið mitt er frá Make Up Store og heitir Shimmer, það nota ég til að skyggja andlitið.

*Að lokum set ég kinnalit til að gefa húðinni lit og vera frísklegri.
Ég ætla alltaf að vera með hinn og þennan lit en ég get ekki hætt að nota Pink Reef frá Make Up Store, fallega bleikur með sanseringu :)

AUGUN græja ég svo næst..

*Yfirleitt sett ég smá augnskugga á augun, bara rétt til svo til að líta betur út fyrir mig.
Þá er NAKED 3 palletan mín uppáhalds, því í henni eru einstaklega fallegir tónar sem ýkja upp bláa augnlitin og þeir eru líka mjög léttir og náttúrulegir.
NAKED palletuna er einungis hægt að fá erlendis :(

*Ef ég er í fíling set ég á mig eyeliner en aldrei alveg meðfram augnhárunum, fyrir mig finnst mér klæða mig best þegar ég byrja frá miðju og set smá cat eye á endan.
Eyelinerinn sem ég nota kynntist ég í Sephora, er frá STILA og er svona tússpenni og sá besti sem ég hef prufað hingað til, þarf að kaupa lager í Boston.
*Maskarakombóið mitt klikkar ekki, en ég hef mjög gaman að prufa mig áfram í þeim málum, ég hef enst lengst með þessa tvo frá Maybeline.
Nota þennan gula Colossal very black mest og svo þennan fjólubláa Falsies til þess að skerpa aðeins meira á augnhárunum og gera þau þéttari.

VARINRAR..
*Mér finnst alltaf flott að hafa smá lit á vörunum svona dagsdalega.Ég set yfirleitt tvö kombó á mig til skiptis.
*Annars vegar er það varalýtablýanturinn Gum frá Make Up Store og gloss nr 56 frá INGLOT.
*Eða varablýanturinn Pink Soda frá Make Up Store og gloss frá þeim yfir sem heitir Orchid.
Blýantana set ég svona létt yfir allar varnirnar og dumpa svo glossinu ofan á :)

AÐ LOKUM...
Verð nú að leyfa þessu að fljóta með..
Þá er ég alltaf með naglalakk, því annars líður mér eins og ég sé nakin.
Mér finnst það líka vera svo snyrtilegt þegar það er vel gert og maður er duglegur að breyta til, finnst svo subbulegt þegar naglalakkið er farið að flagna af.
Uppáhaldslitirnir mínir eru svart, ljósbleikt, rautt og flest svona mött lökk.. svo er alltaf hægt að blinga baugfingurinn upp og leika sér að þessu.
Elska að naglalakka mig á kvöldin og skoða Pinterest meðan ég leyfi því að þorna.. prinsessutrít á kvöldin hehe..

Já þetta er svona BASIC eins og ég geri í dag.. virkar kannski mikið við lestur en tekur enga stund og er allt mjög létt og fínt.
Vonandi kom þetta að góðum notum elsku stelpur (væntanlega bara stelpur sem lesa þessa færslu hihi) og þið megið sko endilega kommenta undir ef það er eitthvað sem þið viljið spyrja enn frekar um.

Þangað til næst
LUV ALE :*

Samstarfið við Culiacan og smá meira

Það er varla að ég tími að skrifa nýja færslu útaf þá fær seinasta færsla ekki lengur að njóta sín.
Mig langar samt til að byrja á því að þakka góðar undirtektir og hrós.
Ég hef fengið komment á bloggið, pósta, komment á facebook og jafnvel stelpur labbað upp að mér í ræktinni til þess a hrósa mér fyrir skrifin..
Ég sem var ekki að þora að pósta henni inn.
Mér þykir svo sannarlega vænt um þetta , takk svo mikið <3

Að öðru..
Þá hefur kannski ekki farið framhjá mörgum að við hjá Betri Árangri unnum að FIT réttum ásamt henni Sólveigu í Culiacan.
Katrín mín orðar tildrög samstarfsins svo vel í færslu á síðu Betri Árangurs, þannig að ég leyfi henni að fylgja með HÉR.

Textinn undir segir allt sem segja þarf ! :)

Svo er leikur í gangi á facebookinu hjá Culiacan, það er hægt að taka þátt í honum HÉR.
Það er til mikils að vinna ,en vinningarnir eru 10 gjafabréf á FIT rétti, Nike Free skór og mánuður í fjarþjálfun hjá Betri árangri.

Ég er alveg dolfallinn aðdáandi mexíkósk matar og er burrito þar efst á lista.
Það er bara eitthvað við burrito að ég gæti lifað á því, en ég vil halda fjölbreytni í mataræðinu svo ég geri það ekki hehe..
Mér fannst mjög skemmtilegt þegar Sólveig eigandinn sagði frá því að hún opnaði staðinn af því hún var svo hrifin af einmitt sama burritostað og ég elska í USA.
Þegar ég fór seinast til Boston fórum við systurnar þarna hvern einasta dag að fá okkur eitt stk :)
Hlakka til að fá mér aftur í Boston, en ég get samt sagt að burritoið hennar Sólveigar er nánast eins svo að þegar ég fæ mér ekki FIT rétt smelli ég mér á burrito.

Seinasti burrito Bostonferðarinnar fyrir ári síðan haha..

Réttirnir voru kynntir til leiks á sunnudeginum og mætti ég ásamt fleirum að smakka þá fyrsta daginn á Culiacan.
Það fyndna er að sama dag fæddist loks nýjasti meðlimur Bess fjölskyldunnar!
Ég var búin að bíða spennt eftir að hún eða hann mætti á svæðið en það var svo lítil stelpa.
Ungfrú Snúlla Bess, þannig þetta var svo sannarlega stór dagur og má alveg segja að árið sé að byrja með stæl hjá okkur vinkonunum :)

Samhliða þessu öllu saman er svo brjálað að gera í þjálfuninni sem ég er að fíla í tætlur og er ég bara virkilega þakklát fyrir að hafa þetta allt saman í kringum mig.
Sömuleiðis er sannur heiður að fá að vera hluti af þessu samstarfi og andlit fyrir réttina..
Finnst þetta samt smá óraunverulegt og skrítið að sjá sig á auglýsingum, en jafnframt virkilega spennandi og gaman, er náttúrlega í auglýsingunum fyrir Amino Energy líka :D

Í fyrsta sinn síðan ég byrjaði á þessu öllu saman er ég líka að þora að vera duglegri að pósta inn bloggum, setja inn á likesíðuna og Instagram..
Þetta er allt saman búið að taka sinn tíma.
Ég er frekar feimin þegar uppi er staðið og enn feimnari við þetta, skil ekki hvernig ég þorði að byrja með blogg.. ég reyndar elska að skrifa og er núna stöðugt að bæta mig.
.....ég meina góðir hlutir gerast hægt ! :)

Setti inn eitt stk uppskrift í fyrradag og er með fullt fleira í bígerð.
Þegar ég hef ekki mót til að stefna að og fókúsera á er um að gera að rækta það sem ég hef í kringum mig og gera eitthvað gott úr öllu því sem ég hef lært frá því að Miss Spaghettireim byrjaði að æfa haha..

Finnst líka gaman er núna búin að fá nokkrar fyrirspurnir um makeuptips svo ég ætla að setja stefnuna á að setja eitthvað sniðugt saman varðandi það um helgina og svo er planið að elda gúrm í kvöld, ég skelli kannski inn uppskriftinni á likesíðuna mína.. um að gera að fylgjast með.

Leyfi þessu að fljóta með, er svolítið mikið satt.
Textinn er samt eiginlega nettari á íslensku, var með hann inni í eldhúsinu mínu þegar ég bjó.

Besta leiðin til að spá fyrir um framtíðina er að skapa hana sjálfur :)

Fylgstu með
LUV ALE :*

Nammidaxxx og matarpælingar Ale

Verandi fitnesskeppandi er maður ósjálfrátt búin að gefa færi á því að fólk tali um mann, enda er maður að keppa á bikini einum klæða á flóðlýstu sviði í gangrýni eins og hún Katrín orðaði svo snilldarlega í pistli sem lesa má HÉR.

Sumt af þessu sem er sagt er gott en vissulega er slæmt umtal líka..
Mikið af þessu ratar alla leið til mín, þar sem Ísland er ekki beint stærsta land í heimi.
Það tekur smá tíma að læra að takast á við þetta.. taka góðu hlutina inn, en leyfa þeim slæmu sem vind um eyrun þjóta :)

Ég hef upp á síðkastið mikið heyrt að fólk sé að spá í hvernig ég borða..
Já eða hreinlega fengið spurningar um það á facebook.
Ég hef heyrt margar útgáfur..
Að ég sé bara að kötta alla daga, borði sjúklega mikið, taki hellaða nammidaga og nánast keyri milli skyndibitastaða, borði hollt en sé alltaf að svindla og ég veit ekki hvað..

Af því að mig langar til að smella inn uppskriftum&hugmyndum um mat, bæði hollum og óhollum þá langaði mig til að taka þetta fyrir áður.
Ég hef áður talað um þetta á blogginu, en kannski ekki beint hvað ég geri sjálf :)

Einnig af því ég er með mína bloggsíðu, likesíðu, í auglýsingum, fjarþjálfari og lifi í kringum þennan lífsstíl hef ég einhverra hluta vegna orðið að fyrirmynd fyrir aðrar stelpur, sem mér finnst svo innilega óraunverulegt.
Þess vegna finnst mér svo mikilvægt að þær haldi ekki að ég sé að gera eitthvað sem mér finnst ekki vera rétt.. sem er einnig svona ástæðan fyrir þessari færslu.

Það er svolítið challenge að byrja þar sem ég get sagt svo ótrúlega mikið.
Frá því að ég byrjaði að æfa og svo þjálfa hef ég sankað að mér gríðarlega mikilli þekkingu með því fyrst og fremst að vera í kringum Katrínu og Magga, lestri, kenna öðrum, prufa mig áfram sjálf og ég tala nú ekki um fjöldan allan af matardagbókum sem ég hef farið í gegnum hverja viku síðan ég byrjaði sem fjarþjálfari sem hafa kennt mér ótrúlega mikið.
Og ég get alveg sagt að ég er enn að læra, það er alltaf hægt að læra meira og það er stöðug þróun í gangi, þannig ég mun alltaf vera bæta við mig meiri þekkingu..
Sem mér finnst mjög spennandi og gaman :D

Síðan ég byrjaði að æfa og þjálfa hefur mjög mikil vakning átt sér stað hvað heilsu og hreyfingu varðar.
Ég gleymi því aldrei þegar ég var að segja öllum að mig langaði til að skrá mig í þjálfun (þá spaghettireim) og fólk fussaði bara og sveijaði og spurði mig til hvers ég þyrfti þess nú eiginlega ég væri hvort sem er mjó !?!
En mig langaði ekki til að vera bara mjó, mig langaði til að vera fit með flottar línur og ég þoldi ekki að vera með pönnukökurass og vildi móta hann enn frekar og fyrst og fremst kunna hollan og heilbrigðan lífsstíl.
Þá tíðkaðist það ekki beint að stelpur væru eitthvað að byggja sig upp og móta.
En sem betur fer er það hugarfar að breytast og sækja stelpur um í þjálfun til þess að styrkja sig og byggja sig upp.

Það sem við leggjum upp með mataræðinu í þjálfuninni okkar er að gera það að lífsstíl, því þannig er svo auðvelt að viðhalda forminu eftir að því er náð.
Þannig þú ert ekki eingöngu að fá árangur með formið heldur sömuleiðis að afla þér þekkingu sem þú munt búa að til frambúðar.
Það mataræði sem við kennum er því sá lífstíll sem við ég, Katrín og Maggi kjósum sjálf að fara eftir :)

Svona á daglegu nótunum þá eru alltaf nokkrar grunnreglur sem ég hef bakvið eyrað:

**Borða vel og reglulega yfir daginn, sirka fimm til sex máltíðir.
Byrja alltaf daginn á flottum og góðum morgunmat, mér finnst sú máltíð vera eins og bensín til að starta deginum undirbúa mig fyrir komandi átök.
Matmestu máltíðirnar eru morgun-hádegis og kvöldmatur, inn á milli eru svo léttari máltíðir eða svokölluð millimál.
**Þekkja munin á kolvetni, fitu og próteinum, hef tekið eftir að þetta vantar hjá mjög mörgum.
**Ég drekk yfirleitt bara vatn með flestum máltíðum nema einstaka sinnum kristal, þar sem mikið af drykkjum eru óþarfa hitaeiningar og vatn er einfaldlega bara BEST.
**Ég passa mig alltaf að drekka vel af vatni yfir daginn.
**Allt er gott í hófi og borða ég því eins og líkaminn kallar á, það getur nefnilega líka dregið úr árangri að borða hollan mat í of miklu magni.
Ef ég tek sem dæmi þá t.d. er mjög auðvelt að borða mikið af þurrkuðum ávöxtum, hnetusmjöri, hnetum og fræjum, en þetta er allt mjög hitaeiningaríkt og því þarf að borða þetta í hófi.
**Ég vel mér alltaf betri kosti eins og t.d. í staðin fyrir að fá mér brauð fæ ég mér flatkökur, í staðin fyrir að fá mér nýmjólk fæ ég mér fjörmjólk.. þannig í rauninni er ég ekkert að neita mér um neitt, heldur vel ég sjálf að skipta yfir í betri kosti.
**Ég borða ekki mikið af fituríkum mat, vel mér frekar fitusnauðan, en vil samt sem áður fá fitu í líkamann og fæ mér því góða fitu eins og t.d. úr avacado og hnetusmjöri.**Borða ekki mikið af unnum mat.
**Öll fæðubótarefni hugsa ég sem viðBÓT við fæðuna og drekk því prótein eftir æfingar og svo kannski einu sinni til viðbótar við það ekki meira.. því öll næring og prótein eiga fyrst og fremst að koma úr fæðunni.
**Þegar ég versla er ég mjög dugleg að lesa á innihaldslýsingar og vera meðvituð um það sem ég kaupi inn og læra meira.
**Mér finnst vera mjög góð regla að temja sér skipulag, ef þú ert að fara í vinnuna að vera þá með nesti.
Ég fer sjálf með nestistösku í vinnuna því þá þarf ég ekki að vera með valkvíða yfir hvað ég ætla fá mér að borða og kemur í veg fyrir að ég fái mér eithvern óþarfa.
**Hreyfi mig náttúrlega samhliða hollu mataræði.
**Og að lokum þá er ég einungis með einn nammidag í viku sem ég leyfi mér meira en aðra daga.. ef mig langar mjög mikið í ís einn daginn eða eitthvað annað sérstakt þá leyfi ég mér það alveg því að ég borða ofur hollt allan ársins hring en ég viðurkenni að ég er ekki nógu villt til að gera það oft hehe..

NAMMIDAGURINN

Já ég vil sko taka hann sér fyrir !!
Í þjálfuninni leggjum við upp með að það er EKKI dagur sem þú ert bara á beit allan daginn og endar með foodbaby, af því loksins er kominn nammidagur, langt því frá.
Nammidagurinn er hugsaður til þess að koma í veg fyrir stöðnun og hálfgerður öryggisventill, ef svo má að orði komast.
Maður þarf einu sinni ekki að fá sér nammi þennan dag, bara aðeins breyta útaf vananum og leyfa sér meira en þú ert kannski vön, hækka aðeins hitaeiningarnar til að líkaminn fá smá tilbreytingu og þegar maður fær kreivings í miðri viku er fínt að vita af nammidegi handan við hornið.

Nammidagurinn er sá dagur sem þú getur leyft þér aðeins umfram þetta venjulega og þá erum við að tala um í hófi.
Mjög mikilvægt þennan dag sem og aðra daga að borða vel og reglulega yfir daginn, það vill oft gleymast í allri gleðinni og þá er auðvelt að breytast í lítið skrímsli þegar að kvöldi kemur og kreivings koma á yfirborðið.

Ég sem sagt borða bara nokkuð hollt og reglulega yfir daginn og leyfi mér kannski aðeins stærri skammta af þeim mat sem er hollur og mér finnst sjúklega góður svo kannski einn og einn mola á milli, ef mig langar í rúnstykki eða eitthvað sem ég er ekki að borða á virkum dögum þá fæ ég mér alveg þannig.

Ég er ekki að vakna og fara út í búð og kaupa með snúð, nammi sem millimál, sveittan mat í hádeginu og í kvöldmat líka.
Ég fæ mér frekar góðan morgunmat og í staðin fyrir að fá mér kannski eina skál fæ ég mér tvær, því jú það er stundum ótrúlegt hvað ég get borðað stóra skammta.
Svo í gegnum daginn er ég að borða mjög svipað og aðra daga.

Morgunmaturinn minn á nammidegi seinasta laugardag.
Létt AB mjólk, Kornfleks, þurrkaðir bananar og rúsínur.

Ég hef stundum verið spurð hvað ég ætla að fá mér í 
morgunmat á nammidegi og svipurinn á fólki þegar ég segist ætla fá mér Kornfleks og oftast fylgir þessi setning eftir á...
,,Bíddu er ekki nammidagur hjá þér og ætlar þú að fá þér kornfleks?"

Ég fæ mér eina svindlmáltíð yfir daginn ef það er hægt að kalla hana það sem er kvöldmaturinn og þá er það stundum pizza, hamborgari eða þá bara einhver djúsí heimilismatur sem ég er kannski ekki að fá mér á virkum degi eins og spaghetti m/hvítlauksbrauði, steik með ostasósu svo dæmi sé tekið.
Það hefur svo komist í vana hjá mér að fá mér smá bland í poka og svo ís..
Allt í hófi að sjálsögðu :)

Svo er náttúrlega mismunandi hvað hentar hverjum og einum og hvað fólk trúir á en þetta er það sem ég trúi á og virkar fyrir mig.
Mitt markmið er að vera í formi allan ársins hring, ekki þennan eina dag sem ég keppi.
Ég er náttúrlega aldrei í keppnisformi allan ársins hring, en finnst fínt að vera ekki langt frá því og til þess þarf ekki að vera borða kjúklingabringur, hafra og prótein eingöngu, sem er eitt af því sem mig langar að koma til skila með þessari færslu.
Það er ekki fyrir neinn að lifa einöngu á slíku fæði og ég tel það ekki vera lífsstíl til lengdar.

Sem dæmi þekki ég margar stelpur og konur sem vilja koma sér í form strax og því fara eftir köttplani þrátt fyrir að vera ekki að stefna að neinu móti.
Þær byrja að kötta og svo eitt og eitt kvöld fá þær sér smá nammi eða eitthvað því þær eru að kikkna undan álaginu af því þetta er svo lítill matur og vantar alla fjölbreytni...
Í stað þess að borða vel og reglulega og gefa sér lengri tíma í árangur og afla sér þekkingu í leiðinni.
Þess vegna segi ég alltaf að gullni meðalvegurinn sé bestur, það að gera þetta að lífsstíl.

Það fá sumar konur sjokk þegar þá fá matarplan frá okkur og sjá hluti eins og:
Kornfleks, Cheerios, venjulegt skyr, flatkökur, ost (9%),burrito, ávexti og annað því þær bjuggust við einhverju kisaplani, en þetta borða ég með bestu lyst alla daga þegar ég er ekki að keppa.

Eins og ég sagði fyrir ofan þá snýst þetta fyrst og fremst um þekkingu, að kunna og vera meðvituð.
Það að vera í formi er auðveldara þegar þetta er til staðar, en það er vissulega stöðug vinna og getur maður rokkað til og frá hvað formið varðar.

Ég er kannski ekki eins og fólk er flest.. má eiginlega segja að ég sé óþægilega öguð, það öguð að stundum fer í taugarnar á mér að ég geti ekki verið aðeins meira kærulaus þegar að þessu kemur.
En hinsvegar hefur það skilað mér þann stað sem ég er nú í dag, ég má ekki gleyma því :)

Held ég láti þetta gott heita í bili, fór aðeins fram úr mér hvað lengd varðar en vonandi vakti þetta einhvern áhuga og veitt öðrum þekkingu sem ekki var til staðar áður.
Gæti mögulega verið að ég hafi gleymt einhverju en það verður bara að hafa það.

Mun svo pósta inn í vikunni bloggi varðandi myndatökuna og spennandi verkefnið :D

Þangað til næst
LUV ALE :*

jats timinn flygur

Time flies and I like it !

Er það líka ekki þannig þegar maður hefur nóg að gera og gaman!? :D
Held það nú...

Er alveg að elska hvað það er mikið að gera í vinnunni.
Það er núna fullt í allar startdagsetningar janúarmánuðar sem við erum svo ótrúlega þakklátar með og alveg upp með okkur yfir áhuganum.
Enda mættar um daginn í vinnuna á mánudagskvöldi eftir kvöldmat og rækt, ég í sloppsanum og Katrín komin með fjóra í útvíkkun, svo eðlilegar vinkonur haha..

Af því að tíminn flýgur svo hratt þá styttist í fullt meira gaman..
Meðal annars er núna bara mánuður á morgun í að ég fari til Bostooooon víjjj..
Ég veit hreinlega ekki hvort það sé góðs viti að ég pantaði mér ferðina með svona miklum fyrirvara, því alltaf bætist meira við elsku innkaupalistann minn.
Er líka búin að vera dugleg að dunda mér að skoða á netinu að mindshoppa og fá hugmyndir á Pinterest af outfittum..
Ætla hafa það sem markmið að kaupa mér ekki drasl, heldur veglega hluti.
Hlakka líka til að kaupa mér ný íþróttaföt, svo mikið af litum og úrvali í USA.. komin tími til þess að endurnýja aðeins.
Er t.d. búin að vera skoða inn á Victoria Secret og nýjustu íþróttafötin þar eru svoo fííín:)

Ég póstaði í seinasta bloggi að við Katrín værum í gegnum Betri Árangur að vinna að skemmtilegu verkefni sem ég fór í myndatöku fyrir..
Get vonandi sagt betur frá því á morgun en annars pottþétt á mánudaginn..
 Þannig STAY TUNED... spennó,spennó !

Af því ég er svo ekki að kötta er ég að elska að borða bara holla og góða matinn minn og fikra mig áfram í uppskriftum og öðru... er aðeins of mikill matarpervert!
Ætla því að vera dugleg að pósta inn á likesíðuna, bloggið og Instagram..
Það er til svo mikið sem er hægt að gera á hollari og betri máta og langar mig að deila þeirri þekkingu með öðrum..
Eitt það skemmtilegasta sem ég veit er að kenna það sen við erum að gera í þjálfuninni, það er svo misskilið að maður þurfi að vera borða þurrar bringur, hafra og prótein til að koma sér í form.
Það er ekki lífsstíll til lengdar :D

Setti einmitt inn tvær góðar hugmyndir í vikunni:

Við systurnar eigum það til að vilja allt ískalt og setjum það því í frystinn.
Systir mín setur meira segja skyrið sitt þar (sem mér finnst krípí) en nýjasta nýtt að setja Hámark þar inn, þannig að hann verður eins og búðingur..
Ég er súkkulaðimegin í lífinu en hún karamellu.
Hún fær sér alltaf karamellu Hámarkið og setur út á Torani sýróp með karamellubragði sem er gert úr Splenda og því sykurlaust.

Frosinn Hámark sem millimál í vinnunni..

Þetta fékk ég mér í morgunmat í dag.
Þetta er sem sagt Létt AB mjólk, Kornfleks, rúskur og þurrkaðir bananar... LOVEIT!

Ætlaði bara að hafa þetta stutt spá í að vippa mér yfir í vinnuna eða gera eitthvað vitsamlegt, kann ekki að tjilla og njóta.. þetta er allt saman í vinnslu.
Langar bara að gera allt í heimigeiminum og er með svo margar hugmyndir í höfðinu sem mig langar að koma frá mér, vildi innilega óska þess að sólahringurinn væri smá lengri.
Ef ég væri ekki með nörd með dagbók alltaf við hendina, myndi ég gleyma helmingnum af því sem ég þarf að gera hehe..

Þangað til næst
LUV ALE :*

Nýtt ár runnið í garð

ÚJÉ BEIBÍ !! :)

Tæplega vika liðin af nýju ári og mér líkar það svo sannarlega vel.
Myndi segja að janúar sé einn af þeim mánuðum sem ég er í essinu mínu, það er svo mikið að gera í vinnunni, sem gerir það að verkum að ég er ooofur skipulögð..
Ekki það að ég er það nú flest alla daga ársins, en ég fúnkera laaangbest þegar það er mikið að gera... loveit !

Eitt af því sem mér finnst svo gaman að gera fyrir sjálfa mig og engan annan á nýju ári, er að skrifa niður markmið fyrir komandi ár.
Svo les maður þau yfir þegar árinu er að ljúka og þá er gaman að sjá hvað maður náði að afreka af þeim, miklu sniðugara heldur en að setja niður nýársheit sem flestir standa ekki við.
Á hverju ári fer ég að fjárfesta í nýrri dagbók til að skipuleggja mig og ganga úr skugga að ekkert gleymist, markmiðin mín skrifa ég svo aftast, þannig ég get alltaf kíkt á þau.
Mæli með því að prufa að gera þetta.
KV.NÖRDIР

Hér kemur brot af mínum markmiðum:

*Eitt af mínum markmiðum er það sama og ár hvert..
Að vera duglegri að taka mig fínt til á morgnana og nota fötin mín, ekki hoppa í kósý.
*Mála mig fínt líka við fínu fötin.
*Vera dugleg að fara í göngutúra, óþolandi hvað maður keyrir allt og nýtur ekki ferska loftsins.
*Spara fyrir shoppintime í Boston... bráðum mánuður !

*Vera duglegri að gera eitthvað, það er stundum bara svo gott að vera heima í kósý.

*Hætta þessu kósýrugli og njóta lífsins haha!!
*Fara í bíó, fer aldrei í bíó !

*EKKI keppa á neinu fitnessmóti (þetta verður erfitt fyrir keppnis Ale)

*Vinna að skrokkabætingum og vera í formi.
*Eignast BLEIKA Kitchen Aid

*Vera jákvæð (eitt af því mikilvægasta)

Svona svo eitthvað sé nefnt..
Finnst mega skrítið að hafa ekki neitt mót til að stefna að á næstunni og er smá smeyk að ég keppi þá kannski bara aldrei aftur eða eitthvað.. ár er svo lengi að líða.
En ég hef svo margt annað spennandi í kringum mig og það að keppa í fitness er einungis brot af því.

Þannig það eru bara ofurmetnaðarfullir og skemmtilegir tímar framundan.. jákvæðnin alveg í botni hérna megin.. en þannig gerast líka góðu hlutirnir.

Í dag fór ég í myndatöku fyrir auglýsingu sem tengist meðal annars Betri Árangri..
Mun sennilega geta sagt frá því betur í vikunni.. spennandi !

Myndatökufín í morgun :)

Er að spá að láta þetta gott heita.. löngum vinnudegi lokið og ég dett í bloggmission.
Er svo að brainstorma um blogghugmyndir.. langar að tala um svo mikið.

Þangað til næst
LUV ALE :*

Gleðilegt nýtt ár

Elsku lesendur

Gleðilegt nýtt ár og takk fyrir samfylgdina á árinu sem er á líða <3

Langar til að þakka öllum þeim sem hafa fylgst með mér á árinu sem er að líða.
Þykir svo innilega vænt um það að orð fá því hreinlega ekki lýst.
Finnst það svo óraunverulegt allt saman en kann virkilega að meta það og hvatninguna sem ég hef fengið frá ykkur :*

Einnig langar mig til að þakka öllum þeim sem standa mér sem næst og hafa stutt mig í gegnum súrt og sætt <3

Er annars spennt og jákvæð fyrir komandi tímum, enda gerist ekki neitt gott nema með jákvæðu hugarfari.
Kveð 2013 sem hefur verið eitt mesta challenge ár lífs míns og tek 2014 fagnandi.

Vonandi höfðuð þið það gott um hátíðarnar og áramótin.
Hlakka til að blogga á nýju ári.

Ykkar einlæg

LUV ALE :*